Myrzataıdyń Dımashqa batasy: Tanymaldylyǵyńdy kóteretin bol...

ASTANA. QazAqparat - Búgin Qazaq Ulttyq óner akademııasynda Dımash Qudaıbergenniń fanattarymen kezdesýi kezinde memleket jáne qoǵam qaıratkeri Myrzataı Joldasbek ánshige bata berip, oǵan aqylyn aıtty, dep habarlaıdy QazAqparat. 

«Alla Taǵalanyń qazaqtyń mańdaıyna bergen ánshileri kóp boldy. Biraq, olardyń kóbi búgingi Dımash sııaqty shekara asyp, búkil álemdi tańǵaldyra almaǵan. Óıtkeni, múmkindikteri bolmady. Ámire Qashaýbaev qana Parıjge baryp án saldy»,-degen Myrzataı Joldasbek Dımashqa «osy tanymaldylyqty kótere bil» degen aqylyn aıtty.

«Qoı kórmegen kórgensiz qýalap júrip óltiredi» degendeı, Dımash osyny kóterip ketse jaqsy bolar edi... Sen (Dımashqa qarata aıtqan sózinde - agenttik) kóterip ketýiń kerek, óıtkeni, halyq senen úlken úmit kútip otyr. Aldyńda talaı jarys bar»,-dep batasyn berdi.

Aıta keteıik, ánshi Dımash Qudaıbergen búgin Qazaq ulttyq óner akademııasynda óz ustazdarymen jáne dostarymen kezdesti.