Myrzataı Joldasbekov týraly derekti fılmniń tusaýy kesiledi

ASTANA. QazAqparat -  4 shilde kúni «Dýman» qonaqúıiniń kınozalynda memleket jáne qoǵam qaıratkeri Myrzataı Joldasbekovtiń ómirine arnalǵan «Dúnıe, shirkin» derekti fılminiń tusaýkeseri ótedi, dep habarlaıdy QazAqparat.

Myrzataı Joldasbekov - memleket jáne qoǵam qaıratkeri, fılologııa ǵylymdarynyń doktory, jazýshy, tanymal túrkolog, Qazaqstannyń bilim, ǵylym jáne mádenıet salalarynyń iri uıymdastyrýshysy, birqatar ýnıversıtettiń qurmetti professory, QR Tótenshe jáne Ókiletti Elshisi dıplomatııalyq sheni bar. Túrkologııa salasyndaǵy joǵary jetistikteri úshin 2004 jyly Kúltegin syılyǵyn ıelendi. Memleket aldyndaǵy zor eńbegi úshin «Halyqtar dostyǵy», «Qurmet», «Parasat», «Barys» ordenderimen jáne birneshe medalmen marapattalǵan.  «Dúnıe, shirkin», «Totyqus» jáne basqa da ánder men kúılerdiń avtory.

Fılmniń avtory ári rejısseri - Іlııas Ysqaqov.  «Dúnıe, shirkin» fılmin «Qaztelefılm» táýelsiz prodıýserlik ortalyǵy» JShS túsirgen.