Myrzalın Azıada júldegerlerine aqshalaı sertıfıkat tapsyrdy

KÓKShETAÝ. QazAqparat - Aqmola oblysynyń əkimi Məlik Myrzalın Indonezııada ótken 18-shi Azıada oıyndarynyń jeńimpazdaryna aqshalaı sertıfıkat tapsyrdy, dep habarlaıdy QazAqparat tilshisi əkimdiktiń baspasóz qyzmetine silteme jasap.

Sharada aımaq basshysy semserlesýshi Dmıtrıı Aleksanın men trıatlonshy Aıan  Beısembaevtyń jeńisteri úshin alǵysyn bildirdi.

«18-shi Azııa oıyndarynda joǵary nátıjege qol jetkizý arqyly sizder Aqmola oblysynyń mártebesin asqaqtattyńyzdar. Jankúıerlerińiz ben jattyqtyrýshylaryńyzdyń senimin aqtaı otyryp Qazaqstan sportynyń deńgeıi joǵary ekenin dəleldedińizder», deı kele Məlik Myrzalın sportshylar men olardyń bapkerlerine aldaǵy jarystar da tolaǵaı tabys tiledi.

Shara barysynda sportshylar men bapkerlerge estelik syılyq pen aqshalaı sertıfıkattar tapsyryldy.

Onyń ishinde jekeleı altyn, komandalyqta kúmis medalǵa ıe bolǵan D.Aleksanın 2 mıllıon teńge, A.Beısembaev 1 mıllıon teńge jəne olardyń jattyqtyrýshylary Andreı Chýrbakov pen ıÝrıı Solovev 750 myń teńgeniń sertıfıkatyna ıe boldy.

Eske sala keteıik, Qazaqstan Respýblıkasy quramasy sapynda bolǵan aqmolalyq 9 sportshy  basketbol, boks, velosport, trıatlon, semserlesý jəne bel kúresi tərizdi sporttyń 6 túri boıynsha synǵa tústi.