Myrzaǵalıev Túrkııa jaǵalaýynda qamalǵan tankerler týraly: Qazaqstan munaıyna shekteý joq

ASTANA. QazAqparat – «QazMunaıGazdyń» kompanııasynyń basqarma tóraǵasy Maǵzum Myrzaǵalıev Túrkııanyń jaǵalaýynda kezekte turǵan munaı tankerleri týraly pikir bildirdi, dep habarlaıdy QazAqparat tilshisi.

«Keshegi aqparat boıynsha Bosfor buǵazynda 21-ge jýyq tanker turǵan. Onyń altaýy – «TeńizShevroıldyń» munaıyn tasymaldaıtyn tankerler. Tarıhı statıstıkany qarasaq, jalpy jeltoqsan aıynda Bosfor men Dardanell buǵazdarynan ótý úshin ortasha 14 kúndeı ýaqyt alady. Keshegi kúnniń jaǵdaıymen aıtsaq, 6 kúndik keshigý baıqalady», - dedi Maǵzum Myrzaǵalıev.

Onyń paıymynsha, budan Qazaqstan ekonomıkasyna ondaı úlken qaýip joq.

«Degenmen 5 jeltoqsannan beri Reseıden shyqqan munaıǵa shekteýler qoıylyp jatqanyn bárińiz bilesizder. Bizdiń munaıǵa eshqandaı shekteýler joq. ıAǵnı, eshqandaı sanktsııa da joq», - dediMaǵzum Myrzaǵalıev.

Buǵan deıin bul oqıǵaǵa Energetıka mınıstrligi túsinikteme berdi.

5 jeltoqsannan bastap Eýropalyq Odaqtyń tankerlermen jetkiziletin Reseı munaıyna tyıym salatyn embargo kúshine endi.