Myrzaǵalı Aıtjanov: Frantsııalyq boksshy Sákenniń basty qarsylastarynyń biri edi

NUR-SULTAN. QazAqparat – Sáken Bıbosynovtyń jeke jattyqtyrýshysy Myrzaǵalı Aıtjanov shákirtiniń 1/8 aınalymdaǵy kórsetkishine baǵa berdi, dep jazady Olympic.kz.

«Búgingi qarsylas ońaı emes. Álem chempıonatynyń qola júldegeri, Frantsııanyń úmit artyp otyrǵan boksshylarynyń biri. Sol sebepti, eki-úsh kún boıy taktıkalyq jaǵynan daıyndaldyq. Berilgen tapsyrmanyń barlyǵyn oryndap shyqty.

Qarsylasy Sákenge qaraǵanda salmaqty kóp qýatyn jigit. Ony baıqap júrmiz. Sondyqtan, biz jyldamdyqty údetip, soǵan jumys istedik. Bul turǵydan bizdiń josparymyz oryndalyp, tóreshiler sheshimimen aıqyn basymdyqpen jeńiske jettik.

Ispanııalyq boksshyny kórip júrmiz. Endigi kezdesýde jaqsylap tyńǵylyqty daıyndalyp shyǵamyz. Basty qarsylastardyń biri bolady dep osy frantsýzdy kútkenbiz. Jeńispen aıaqtadyq», - deıdi Aıtjanov.