«Myń bala» jobasy: «Qazaq eli osyndaı» ánin oryndaıtyn ózge ult ókilderiniń jańa dýeti shyqty

ASTANA. QazAqparat - Búgin Qazaqstan xalqy Assambleıasynyń uıymdastyrýymen ótken «Myń bala» atty baıqaý jeńimpazdaryn marapattaý rásiminde Pavlodar oblysynan kelgen Irına Bondar men Olga Berg "Qazaq eli osyndaı" ánin oryndap berdi, dep xabarlaıdy QazAqparat tilshisi.

Aıta keteıik, atalǵan baıqaýdyń basty maqsaty - ózge ult ókilderiniń balalaryn qaza tilin úırenýge yntalandyrý, sol arqyly memlekettik tildi biriktirýshi faktor retinde qalyptastyrý.
 

"Bir jyldyń ishinde qazaq tilin myń bala biledi degen nıetpen bastaǵan bolatynbyz. Búgin myń bala emes, eki jyldyń ishinde 585 000 bala osy jobadan ótti. Olardyń ishinde tildi jetik ári tereń meńgergen balalardyń sany 106 myńdy qurap otyr. Bul degen úlken kúsh! Eger buǵan deıin Assambleıanyń ishinde 423 000 adam memlekettik tildi meńgeretin bolsa, olarǵa taǵy da 585 000 bala qosyldy. Bul - jaı áńgime emes. Bul - naqty memlekettik til saıasatynyń is júzinde asyp jatýyna dálel", - deıdi Qazaqstan xalqy Assambleıasy tóraǵasynyń orynbasary Eraly Toǵjanov.