Myń alǵys: Shymkentte assambleıa ókilderi 1 mln teńgege qaıyrymdylyq kómek kórsetti
Shymkent qalasyndaǵy etnomádenı birlestikter vırýsqa shaldyqqan medıtsına qyzmetkerlerine, kópbalaly jáne áleýmettik az qamtylǵan otbasylarǵa kómek kórsetti.
Atap aıtqanda, qalalyq ózbek etnomádenı birlestigi vırýsqa shaldyqqan 200 adamǵa qajetti kómek kórsetip, 200 jalǵyzbasty qarııaǵa azyq-túlik jıyntyǵyn taratty.
Al, túrik etnomádenı birlestigi qurbandyq shalyp myńǵa jýyq adamdy et ónimderimen jáne azyq-túlikpen qamtamasyz etti. Olardyń qatarynda vırýsqa shaldyǵyp, qaza bolǵan medıtsına qyzmetkerleriniń januıasy men turmysy tómen otbasylar bar.
Uıǵyr etnomádenı birlestigi jaǵdaıy tómen jáne kópbalaly 18 otbasyǵa kúndelikti tutynatyn azyq-túlik taýarlaryn taratty.
Tatar-bashqurt etnomádenı birlestigi pandemııa kezinde qaıtys bolǵan eki medqyzmetkerdiń otbasyn azyq-túlikpen qamtamasyz etti.
Shymkent qalasyndaǵy atalǵan etnomádenı birlestikter jalpy quny 1 mıllıon teńgege qaıyrymdylyq kómek kórsetti.