Muzǵa shyǵarda abaılańyz: ShQO qutqarýshylary halyqqa eskertý jasady

<p>Shyǵys Qazaqstan oblysynyń qutqarýshylary turǵyndarǵa muzǵa shyǵarda qandaı qaýipsizdik erejelerin saqtaý qajettigin túsindirdi, dep habarlaıdy <a href="Kazinform" target="_blank" rel="noopener">Kazinform.&nbsp;</a></p>

TJD qyzmetkerleri muzdaǵy qaıǵyly jaǵdaılardyń aldyn alý úshin reıdterge shyǵyp jatyr. Sebebi qystyń alǵashqy kúnderi muz juqa bolatyndyqtan onyń ústinde júrý qaýipti. 

«Qutqarýshylar jergilikti atqarýshy organdarmen jáne polıtseılermen birlesip 400 reıd júrgizip, 150 nusqaýlyq berdi. Sondaı-aq halyqqa 14 ret jıyn ótkizdi. Sý aıdyndarynda eskertý jáne tyıym salý belgileri ornatylyp jatyr. Qazirgi ýaqytta oblysta 1 resmı muz ótkeli (Kúrshim aýdany Qyzyl tý ótkeli) bar», - dep habarlady ShQO tótenshe jaǵdaılar departamentiniń baspasóz qyzmeti.

Onda jergilikti atqarýshy organdar, jol qyzmetteri, qutqarýshylar men polıtsııa qyzmetkerlerinen turatyn arnaıy komıssııa jumys isteıtin bolady. 

«Muz aǵyny qatty sý aıdyndarynda, qamysqa jaqyn jerlerde álsiz bolady. Jylymyq ýaqyty qaýipti. Ótken jyly 2 kólik muz astyna túsip, qaýipsizdik sharalaryn saqtamaǵan 2 adam sýǵa batyp ketti», - dedi TJD bastyǵynyń orynbasary Arman Toqanov.

Onyń aıtýynsha, qalyńdyǵy 10 santımetrden kem emes muz adam úshin qaýipsiz. Muzǵa tek jaıaý shyǵý kerek. 

Muz ústine top bolyp jınalýǵa tyıym salynǵan. Balyq aýlaýǵa arnalǵan tesikter bir-birinen keminde bes metr qashyqtyqta bolýy tıis. 

Eshbir jaǵdaıda muzǵa mas kúıinde shyǵýǵa bolmaıdy. Ol úshin sizde telefon, myqty arqan men pyshaq bolýy kerek.