Mýzeıdegi muralar keleshek urpaqqa tolyq jetýi tıis - mınıstr

JIDEBAI. QazAqparat – Abaı Qunanbaıulynyń 175 jyldyq mereıtoıyna daıyndyq barysyn uıymdastyrý maqsatynda Mádenıet jáne sport mınıstri Aqtoty Raıymqulova Abaıdyń «Jıdebaı-Bórili» memlekettik tarıhı-mádenı jáne ádebı-memorıaldyq qoryq-mýzeıine bardy, dep habarlaıdy QazAqparat tilshisi.

Mınıstrliktiń tarıhı-mádenı mura basqarmasynyń qyzmetkeri Á.Kúzerbaev, «Qazqaıtajańǵyrtý» mekemesiniń qyzmetkeri Q.Tuıaqbaev, Shyǵys Qazaqstan oblysy mádenıet, arhıvter jáne qujattama basqarmasy basshysynyń mindetin atqarýshy R.Nurmuhanovalar mýzeıdegi aldaǵy júrgiziletin jumystar barysymen tanysty.

«Mádenıet jáne sport mınıstri A.Raıymqulova Abaı mýzeıindegi asyl muralardy keleshek urpaqqa tolyqtaı jetkizý qajettiligin basa nazarǵa alyp, tsıfrlandyrý jumystaryn aýqymdy júrgizý qajettiligine toqtaldy. Sondaı-aq, vedomstva basshysy mýzeı ekspozıtsııasyn jańalaý kezinde zamanaýı tehnologııalarmen jabdyqtaý, ekspozıtsııanyń jańasha úlgide jasalýy, mýzeıdiń ishi men syrtyna ǵylymı-restavratsııalyq jumystar júrgizilýi qajettigin atap kórsetti», - delingen Mádenıet mınıstrliginiń baspasóz qyzmeti taratqan aqparatta.