Mýzeı qyzmetkerleriniń ortasha jalaqysy qansha

<p>Elimizde mýzeı qyzmetkerleriniń ortasha jalaqysy ataldy, dep habarlaıdy Kazinform.</p>

«Búginde elimizde 270-ten astam mýzeı bar. Mýzeıge qatysty máseleniń biri — kadr. Maman jetispeýshiligi bar, kadr daıarlaý kerek. Mýzeı isin túsinetin, tarıhı, mádenı eskertkishter men muralardy ajyra alatyn maman bolǵan jón. Qazirgi ýaqytta mýzeı qyzmetkerleriniń ortasha jalaqysy 200 myń teńge», - dedi Ulttyq mýzeı dırektorynyń ǵylymı jumystar jónindegi orynbasary Aqmaral Ibraeva elordada ótip jatqan mýzeı qyzmetkerleriniń І kongresi barysynda.

Onyń aıtýynsha, elimizde mýzeı isi jyl saıyn damyp keledi.

«Búginde mýzeı isine jastardyń qyzyǵýshylyǵy artyp keledi. Qazir bizdiń mýzeıde 20-dan astam jas maman bar. Bul elorda boıynsha, al óńirlerde jaǵdaı basqasha. Ulttyq mýzeıde 300-den astam qyzmetker jumys isteıdi», - deıdi ol.

Aıta keteıik, búgin Astanada mýzeı qyzmetkerleriniń І kongresi ótip jatyr.