Mýzeı qyzmetkerleri Vengrııadaǵy referendým ýchaskesinde daýys berdi

<p>BÝDAPEShT. KAZINFORM &ndash; Vengrııada qyzmettik issaparda júrgen Almaty murajaılary birlestiginiń qyzmetkerleri AES salý boıynsha referendýmǵa qatysty.</p>

Mýzeı qyzmetkerleri Qazaqstan Respýblıkasynyń Vengrııadaǵy Elshiligi janyndaǵy № 375 referendýmnyń saılaý ýchaskesine bardy.

Foto: Almaty óńirlik kommýnıkatsııalar qyzmeti

«Eger búgingi kún keshe qabyldanǵan sheshimderdiń nátıjesi bolsa, onda erteń búgin qabyldanǵan sheshimderdiń nátıjesi bolady. Býdapeshtte qyzmettik issaparda bolǵanymyzǵa qaramastan, biz Qazaqstan Respýblıkasynyń Vengrııadaǵy Elshiligi janyndaǵy saılaý ýchaskesine baryp, atom elektr stantsııasynyń qurylysyna qatysty óz tańdaýymyzdy jasadyq», - dep atap ótti Almaty qalasy murajaılar birlestiginiń dırektory Lázzat Saǵyndyqova.

Esterińizge sala keteıik, búginde Qazaqstanda referendým ótip jatyr jáne barlyq azamattar, sonyń ishinde shetelde júrgender de sol eldiń ýaqyty boıynsha saǵat 20:00-ge deıin saılaý ýchaskelerinde óz daýystaryn bere alady.