Muzdatylǵan balyq ónimderin eksporttaýǵa tyıym salynýy múmkin

ASTANA. QazAqparat – Elimizde muzdatylǵan balyq túrlerin eksporttaýǵa tyıym salynbaq. Bul týraly Parlament Májilisindegi Úkimet saǵatynda QR Ekologııa, geologııa jáne tabıǵı resýrstar mınıstri Serikqalı Brekeshev aıtty, dep habarlaıdy QazAqparat tilshisi.

«Balyq óńdeý kásiporyndarynyń óndiristik qýattaryn attyrý baǵytynda balyqty salqyndatylǵan jáne muzdatylǵan túrde eksporttaýǵa tyıym salý máselesi qaralyp jatyr», - dedi S. Brekeshev.

Budan basqa ol aýlanǵan jáne ósiriletin balyqty tereń óńdeý, sondaı-aq qosylǵan quny joǵary balyq ónimderin shyǵarý úshin jaǵdaı jasaý jumystary júrgizilip jatqanyn aıtty.

«Byltyr óńdeýge 35 myń tonna shıki balyq jiberildi, nátıjesinde 29 myń tonna balyq ónimderi alyndy», - dedi mınıstr.

Budan buryn habarlanǵandaı, Qazaqstan 25 myń tonna balyq ónimderin eksporttaıdy.

Balyqty zańsyz aýlaǵandar 15 táýlikke qamalýy múmkin.