«Musylman áleminiń birligi»-respýblıkalyq basylymdarǵa sholý
***
Keshe Táýelsizdik saraıynda Islam Konferentsııasy Uıymy Syrtqy ister mınıstrleri keńesiniń 38-shi sessııasy óz jumysyn bastady. Oǵan 1,6 mlrd. halqy bar Azııa, Afrıka, Eýropa jáne Ońtústik Amerıkadaǵy musylman memleketteriniń 56 elinen 1200-ge jýyq delegat, baqylaýshy jeti elden, álemdik bedelge ıe basqa da halyqaralyq uıymdardan ókilder qatysty. Sessııada Qazaqstan Respýblıkasynyń Prezıdenti Nursultan Nazarbaev quttyqtaý sóz sóıledi. Osyǵan oraı el gazeti «Egemen Qazaqstanda» «Musylman áleminiń birligi» degen taqyryppen kólemdi maqala jarııalandy. Sondaı-aq osy basylymda Elbasynyń atalǵan alqaly jıynda sóılegen sózi de «Beıbitshilik, yntymaqtastyq jáne damý» degen taqyryppen jarııalandy.
«Egemen Qazaqstan» gazetiniń jazýynsha, keshe Memleket basshysy Nursultan Nazarbaev elordadaǵy Ulttyq ǵylymı kardıohırýrgııalyq ortalyq pen jańa balabaqshany aralap kórdi. Elbasy zaman talabyna saı, 180 orynǵa arnalǵan kardıohırýrgııalyq ortalyqtaǵy ınterventsııalyq kardıologııa bóliminiń, júrekti kateterızatsııalaý zerthanasynyń, operatsııalyq zaldardyń jáne jan saqtaý bóliminiń jumysymen tanysty. Maqala «Judyryqtaı júrekke em jasaıdy» degen taqyryppen berilgen.
***
Erteń Malaızııanyń Penang qalasynda aýyr atletıkadan 20 jasqa deıingi jasóspirimder arasyndaǵy álem birinshiligi bastalady. Tórtkúl dúnıeniń ár túkpirinen jınalǵan jalyndy jastardyń dúbirli dodasynda Qazaqstan quramasy da baq synaıdy. Osyǵan oraı «Aıqyn» gazetinde «Malaızııada jasyndaı jarqyraýǵa tıispiz» degen taqyryppen maqala basyldy. «Bizder bul jarysta keminde eki altyn alýǵa tıispiz. Bul rette bapkerlerdiń tarapynan Aleksandr Zaıchıkov pen Nadejda Nogaıdyń múmkindigi joǵary baǵalanýda. Sonymen qatar Jazıra Japarqul men Ibargım Bersanovqa da zor senim artylyp otyr», - deıdi basylymǵa suhbat bergen memlekettik jattyqtyrýshy Meńdihan Tápsiruly.
«Kedendik odaqqa múshe úsh eldiń arasynda 2012 jyldan bastap Birtutas ekonomıkalyq keńistik qurylatyn bolsa, ortaq valıýtanyń dúnıege kelýi de alys emes degen áńgime shyǵa bastady», - dep jazady «Aıqyn» gazeti «Ortalyq valıýta» degen maqalasynda. Basylymnyń atap ótýinshe, Peterbor halyqaralyq ekonomıkalyq forýmynda Qazaqstan Ulttyq bank basshysynyń orynbasary Danııar Aqyshev kóp uzamaı úsh el arasynda ortaq valıýta qabyldaý týraly áńgimeniń qozǵalatynyn ashyq aıtyp qaldy.
***
Adamı qaǵıdaǵa jat pedofıldik búginde synalap sanamyzǵa da, qoǵamymyzǵa da enip bara jatyr. Sumdyǵy sol, mundaı teksizdiktiń tamyryna balta shabýǵa qaýqarsyzdyq tanytyp otyrmyz. Qaýqarsyzdyǵymyz emeı nemene, pedofılder áreketi elimizdiń ár buryshynda jıilep ketse de, olarǵa qatysty zańdy qatańdatyp jatqanymyz shamaly. Tipti pedofılderdiń basym bóligi ustatpaı ketip jatsa, ustalǵandaryna qoldanylar jaza qorlanǵan sábıdiń ar-uıatymen salystyrǵanda tym jeńil. Mine, osy másele «Alash aınasy» gazetiniń sársenbi kúngi shyqqan nómirindegi «Sábıdi emes, pedofıldiń quqyǵyn qorǵaıtynymyz qalaı?!» degen taqyryptaǵy maqalaǵa arqaý bolǵan.
Osy basylymnyń turaqty «Dat!» aıdarynda QR Parlamenti Senatynyń depýtaty Ǵarıfolla Esimmen aradaǵy suhbat jarııalandy. Basylym tilshisiniń barlyq saýaldaryna tuşymdy jaýap bergen halyq qalaýlysy: «Keń dalamyzda arzan ári tıimdi úsh energııa kózi bar. Birinshi kózi - jel, bul damyǵan elderdiń energııa kóziniń 20 paıyzyn qamtyp otyr. Ekinshisi - sý, sosyn - kún energııasy. Bizge sharýashylyqqa osyny nege paıdalanbasqa?! Óz basym AES salýǵa keminde 20 jyl moratorıı engizý kerek dep esepteımin. Odan buryn qolǵa alynýy úlken qatelik bolady. Bul - meniń jeke pikirim», - deıdi. Ekeýara áńgime «Tehnologııany qalaǵa emes, dalaǵa aparatyn kez keldi» degen taqyryppen berilgen.
***
«Keshe Memleket basshysy Nursultan Nazarbaev Islam Konferentsııasy Uıymy Syrtqy ister mınıstrleri keńesiniń 38-shi sessııasy aıasynda IKU Bas hatshysy Ekmeleddın Ihsanoǵlymen kezdesti», - dep jazady «Kazahstanskaıa pravda» gazeti. Taraptar ekijaqty yntymaqtastyqty odan ári damytý jáne nyǵaıtý máselelerin, sondaı-aq IKU SІMK 38-shi sessııasynyń kún tártibin talqylady. «Biz Prezıdent myrzamen Islam Konferentsııasy Uıymynyń bolashaq qyzmetin talqyladyq. Bıylǵy jyly Qazaqstan Uıymnyń tóraǵasy boldy. Biz jemisti ózara is-qımylǵa senim artamyz», - dedi E.Ihsanoǵly.