Mustafına men Petrov QR Ortalyq saılaý komıssııasyna múshe boldy

Búgin Memleket basshysynyń Jarlyqtarymen Ortalyq saılaý komıssııasynyń jańa músheleri taǵaıyndaldy.

Bul týraly Aqordanyń baspasóz qyzmeti habarlady.

Sábıla Saparqyzy Mustafına Qazaqstan Respýblıkasy Ortalyq saılaý komıssııasynyń múshesi qyzmetine;

 

Konstantın Vıktorovıch Petrov Qazaqstan Respýblıkasy Ortalyq saılaý komıssııasynyń múshesi qyzmetine taǵaıyndaldy.



***
Sabıla Saparqyzy Mustafına 1960 jyly 9 qarashada Aqmola oblysy Ermeıntaý qalasynda dúnıege kelgen. Mamandyǵy aýylsharýashylyǵy óndirisiniń ekonomıst uıymdastyrýshysy.

Alǵashqy eńbek jolyn etsúıekti un óndirýshi zaýytynda aǵa ekonomıst retinde bastaǵan.

1996 jyly respýblıkalyq bıýdjetti oryndaý boıynsha eseptik komıtetinde qyzmet atqarady.

1999 jyly Gender saıasaty jáne otbasy isiniń ulttyq komıssııasynyń hatshylyǵyn basqardy.

2002 jyly Qazaqstan Respýblıkasynyń Premer-Mınıstri hatshylyǵynyń meńgerýshisi qyzmetine taǵaıyndalady.

Sonan soń, Qazaqstan Respýblıkasy Prezıdent ákimshilik keńsesiniń bas ınspektory, Qazaqstan Respýblıkasy Memlekettik hatshylyǵynyń bas ınspektory qyzmetin atqardy. 2004 jyldyń qarasha aıynda Astana qalasy ákiminiń orynbasary boldy.

2006-2008 jyldar aralyǵynda Prezıdent Ákimshiliginiń ishki saıasat bólimi sektoryn basqarady.

2008 jyldyń sáýir aıynda Astana qalasy «Saryarqa» aýdanynyń ákimi qyzmetine taǵaıyndaldy.

2011 jylǵy 29 qarashadan bastap, Astana qalasy «Esil» aýdanynyń ákimi.

***
Konstantın Vıktorovıch Petrov 1969 jyly týǵan. Q.Jubanov atyndaǵy Aqtóbe pedagogıkalyq ınstıtýtyn hımııa, bıologııa pánderiniń muǵalimi mamandyǵy boıynsha bitirgen.

Eńbek jolyn 1991 jyly Aqtóbedegi № 3 orta mektebiniń hımııa jáne bıologııa pániniń muǵalimi bolyp bastaǵan. Keıinirek osy mekteptiń tárbıe isi jónindegi orynbasary bolǵan.

Sondaı-aq Aqtóbe qalasy ákimi apparatynyń uıymdastyrý jáne kadrlyq bóliminiń meńgerýshisi, Aqtóbe qalasy ákiminiń orynbasary bolǵan.

Túrli jyldarda «Kazhrom» AQ ákimshilik-sharýashylyq qyzmeti men kógaldandyrý tsehy bastyǵynyń orynbasary, Aqtóbe oblysy ákiminiń orynbasary, oblystyq Іshki saıasat basqarmasynyń bastyǵy qyzmetterin atqarǵan.

2009 jyldan beri oblys ákimi apparatynyń basshysy.