Mustafa Shoqaıdyń Berlındegi zıraty eshqaıda kóshirilmeıdi - SІM

ASTANA. QazAqparat – Syrtqy ister mınıstrliginiń resmı ókili Aıbek Smadııarov Germanııanyń Berlın qalasyndaǵy Mustafa Shoqaıdyń zıraty súrilgeli jatqany týraly málimet týraly pikir bildirdi, dep habarlaıdy QazAqparat tilshisi.

«Áleýmettik jelide Berlındegi Mustafa Shoqaıdyń zıratyn buzyp, qıratyp, basqa jerge kóshirgeli jatqany týraly jalǵan aqparattar tarap jatyr. Bul aqparat rastalmaıdy. Óıtkeni bizdiń Elshiliktiń qyzmetkeri dereý baryp, zırat qyzmetkerlerimen sóılesip, foto, vıdeoǵa túsirip, bárin óz kózimen kórip keldi. Mustafa Shoqaıdyń zıraty ornynda. Eshqaıda kóshirilmeıdi. Sondyqtan mundaı ótirik aqparat taratýdy toqtatý kerek», - dedi Aıbek Smadııarov.

Sondaı-aq, ol Taılanda ustalǵan Qazaqstan azamatyna jergilikti polıtsııa qandaı aıyp taǵyp otyrǵanyn aıtty.

«Ókinishke qaraı, keıbir BAQ aqparatty qaıtalap teksermesten, derekkózge silteme jasap taratqan. Biz málimet surattyq, taı bıligi rastady. Qazir onyń kim ekeni anyqtaldy. Rasymen ol Qazaqstan Respýblıkasynyń azamaty. Taıland polıtsııasy 45 táýlikke qamaýǵa aldy. Oǵan atalmysh elde bolýdyń vızalyq rejımin 4 kúnge asyryp, buzǵany týraly aıyp taǵylyp otyr. Odan basqa resmı aqparat túsken joq. Qazaqstannyń Taılandtaǵy Elshiligi bul máseleni baqylaýda jáne Taılandtyń quqyq qorǵaý organdarymen turaqty baılanysta. ıAǵnı, onyń oq atqany, atpaǵany belgisiz. Tek kóshi-qon rejımin buzǵan», - dedi resmı ókil.