Mustafa Shentop: Elbasy maqalasy túrki áleminiń qundylyqtary turǵysynan mańyzdy

ASTANA. QazAqparat - Búgin Astanada Túrkııanyń Uly Ulttyq Májilisi tóraǵasynyń orynbasary Mustafa Shentop Elbasynyń «Uly dalanyń jeti qyry» maqalasyna oraı pikir bildirdi, dep habarlaıdy QazAqparat.

«Ótken aptada Qazaqstan Prezıdenti Nursultan Nazarbaev «Uly dalanyń jeti qyry» atty maqalasy jarııalanǵanyn bilemiz. Bul maqalada Uly Jibek jolynyń aldyńǵy qatarly róline erekshe toqtalǵan. Sonymen qatar, onda túrki áleminiń qundylyqtaryna qatysty oı bildirdi. Osy oraıda QR Memleket basshysynyń bul maqalasyna úlken mańyz berip otyrmyz», - dedi Mýstafa Shentop QR Tuńǵysh Prezıdenti kúnine arnalǵan halyqaralyq parlamenttik konferentsııada.

Sonymen qatar, ol Qazaqstan Ortalyq Azııa óńirinde úlken rólge ıe ekenin atap ótti.

«Qazaqstan osy óńirde jáne álemde úlken mańyzǵa ıe el bolyp otyr. Búginde álemdik qoǵamdastyq Qazaqstannyń beıbitshilik pen turaqtylyq úshin, sondaı-aq shıelenisterdi sheshýge qatysty halyqaralyq bastamalaryna joǵary baǵa berýde», - dedi Túrkııa Uly Ulttyq Májilisi tóraǵasynyń orynbasary.

Budan buryn habarlanǵandaı, búgin Astanada QR Tuńǵysh Prezıdenti kúnine arnalǵan «Astana - jahandyq ıntegratsııa, qaýipsizdik jáne beıbitshilik ortalyǵy» taqyrybynda halyqaralyq parlamenttik konferentsııa bastaldy.

Eske sala keteıik, konferentsııa barysynda Ózbekstan Olıı Majlısiniń spıkeri Nýrıdjon Ismoılov Elbasy maqalasyna qatysty pikir bildirdi.