Mýrataǵa Jánibek Álimhanulymen jekpe-jekke shyǵýǵa usynys aıtyldy

NUR-SULTAN. QazAqparat - Japondyq Boxing Cafe basylymy Rıota Mýratanyń (16-3, 13 KO) Gennadıı Golovkınnen (42-1-1, 37 KO) jeńilgennen keıingi bolashaǵy týraly pikirimen bólisti, dep habarlaıdy QazAqparat Sports.kz saıtyna silteme jasap.

Basylymnyń jazýynsha, Mýrata taǵy bir qazaqstandyq boksshy Jánibek Álimhanulymen (11-0, 7 KO) jekpe-jekke shyǵý múmkindigine ıe.

«Mýrata álem chempıony ataǵynan aıyrylǵandyqtan, ol toqtalmaı, álemniń eń myqty boksshylarymen kezdesý uıymdastyratynyna seneıik. Golovkın nemese «Kanelo» bolmasa da, orta salmaqta myqty boksshylar kóp. Kishi Krıs ıÝbank, Haıme Mýngýıa, Jánibek Álimhanuly (ol GGG-men bir elden), Eskıva Falkao. Árıne, Mýrata úshin motıvatsııa saqtaý budan bylaı ońaı bola qoımas», - dep jazdy Boxing Cafe.

Eske sala keteıik, 9 sáýirde Gennadıı Golovkınniń japonııalyq qarsylasy Mýratany jeńgenin jazǵan bolatynbyz.