Mýrata Golovkınniń kásibı sheberligine óz baǵasyn berdi

NUR-SULTAN. QazAqparat – Japon boksshysy Rıota Mýrata (16-3, 13 KO) qazaqstandyq bylǵary qolǵap sheberi Gennadıı Golovkınniń kásibı sheberligine baǵa berdi, dep habarlaıdy QazAqparat Sports.kz saıtyna silteme jasap.

«Men Gennadıı Golovkınniń kásibı sheberligin sezindim. Onyń soqqylary alýan túrli eken, sebebi ol urǵanda ár tustan qıǵashtaı soǵady. Jáne soqqysynyń aýyrlyǵyn da sezindim», - dedi Mýrata.

Eske sala keteıik, Gennadıı Golovkın Rıota Mýratany 9-raýndta nokaýtqa túsirip, WBA Super, IBF jáne IBO nusqalary boıynsha orta salmaqtaǵy chempıon atandy.

Gennadıı Golovkınniń qarsylasyn nokaýtqa jibergen sáti beınelengen vıdeony myna silteme arqyly kórýge bolady.

Onyń kelesi jekpe-jegi qyrkúıek aıynda meksıkalyq Saýl Alvarespen (57-1-2, 39 KO) bolady.