Murat Nurtileý Koreıaǵa OA jastarynyń jańa mamandyqtardy ıgerýine jaǵdaı jasaýdy usyndy

<p>Ortalyq Azııa elderi Ońtústik Koreıanyń tehnıkalyq joǵary oqý oryndarynyń fılıalyn ashýǵa múddeli. Bul týraly &laquo;Ortalyq Azııa &ndash; Koreıa Respýblıkasy&raquo; 16-yntymaqtastyq forýmynda Premer-Mınıstrdiń orynbasary &ndash; Syrtqy ister mınıstri Murat Nurtileý aıtty, dep habarlaıdy <a href="https://kaz.inform.kz/" target="_blank" rel="noopener">Kazinform</a> tilshisi Ashhabadtan.</p>

«Biz óńirde jetekshi koreı tehnıkalyq joǵary oqý oryndarynyń jańa fılıaldaryn ashýǵa múddelimiz. Bul turǵyda Seýl Ulttyq ǵylym jáne tehnologııalar ýnıversıtetiniń fılıaly retinde Qyzylordadaǵy Jasandy ıntellekt jáne ınformatıka mektebiniń ashylýyn sátti keıs deýge bolady. Osy tájirıbeni kóbeıtýdi jáne jańa tehnıkalyq mamandyqtardy ıgerýde Ortalyq Azııanyń barlyq elderiniń stýdentterine jaǵdaı jasaýdy usynamyn. Koreıa Respýblıkasynyń Úkimetiniń odan ári qoldaýyna úmit bildiremin», - dedi Murat Nurtileý.

Ol Qazaqstan aqparattyq tehnologııalar salasynda eleýli tabysqa jetkenine toqtaldy.

Búkil memlekettik qyzmetterdiń 90 paıyzdan astamy avtomattandyrylyp, birqatar iri qalada jol qozǵalysy qaýipsizdigin arttyrý úshin aqyldy júıe engizilgenin atap ótti.

«Jalpy, Ortalyq Azııa óńirinde mashınalyq oqý, elektrondy kommertsııa jáne tolyqtyrylǵan naqtylyq salalarynda kelesi býyn standarttaryn engizýge qajet  barlyq nárse bar. Ońtústik Koreıanyń tájirıbesin eskere otyryp, osy salada birlesken saraptamalyq platforma qurýdy usynamyn. Ortalyq Azııadaǵy eń iri «Astana Hub» IT startaptar tehnoparki qolaıly alańǵa aınala alady», - dedi Qazaqstan Syrtqy ister mınıstri.