Murat Áýezov: Abaı - qazaq mádenıetiniń reformatory

ALMATY. QazAqparat - Memleket jáne qoǵam qaıratkeri Murat Áýezov Abaı kúnin atap ótýdiń mańyzdylyǵy týraly aıtty, dep habarlaıdy QazAqparat tilshisi.

«Qıyn-qystaý kezeńderde halyq Abaıdyń ánderin oryndap, sózderin júrekterinde saqtady, onyń sózderi, ánderi halyqpen birge boldy. Abaı –uly adam, ol halyqtyń qutqarýshysy, óıtkeni XX ǵasyrdyń basyndaǵy aýyr kezeńdi ótkergen «Zar zaman» aqyndary da osy atalǵan ǵasyrdyń qıyn bolatynyn sezdi. Abaı da bildi, onyń kemeńgerligi sol, ol halyqtyń mádenıetin, tilin, ádebıetin, dinin saqtap qalýǵa jol taba bildi»,– dedi Murat Áýezov.

Onyń aıtýynsha, Abaı men onyń shyǵarmashylyǵy taza, móldir bulaq sııaqty, qurǵaq shóp pen qatty topyraqty da qaıta jandandyrady.

Abaı Qunanbaev – qazaq aqyny, kompozıtor, aǵartýshy, oıshyl, qoǵam qaıratkeri, qazaq jazba ádebıetiniń negizin qalaýshysy, qazaq mádenıetiniń reformatory jáne onyń alǵashqy klassıgi.

Eske salaıyq, Qazaqstan Úkimetiniń qaýlysymen 10 tamyz Abaı kúni bolyp belgilendi.

https://kaz.inform.kz/news/kazakstanda-10-tamyz-abay-kuni-bolyp-belgilendi_a3680165