Mundaı másele eshqashan qarastyrylǵan emes – Mádına Ábilqasymova EAEO aýmaǵynda biryńǵaı valıýta engizý jaıynda

<p>Qarjy naryǵyn retteý jáne damytý agenttiginiń tóraǵasy Mádına Ábilqasymova EAEO aýmaǵynda biryńǵaı valıýta engizý máselesine oraı pikir bildirdi, dep habarlaıdy Kazinform.</p>

«Mundaı másele bizdiń ıntegratsııalyq yntymaqtastyq aıasynda eshqashan qarastyrylǵan emes. Bul suraq esh ýaqytta da qaraýǵa shyǵarylǵan joq. Usynys ta bolǵan emes. Barlyq taýar aınalymy ulttyq valıýtamen júrgiziledi. Biz elder arasyndaǵy ulttyq valıýtadaǵy tólemderdi keńeıtýdi qoldaımyz», - dedi agenttik tóraǵasy Aqordada BAQ ókilderiniń saýalyna oraı.

Sonymen qatar ol rýbl baǵamyna qatysty pikirimen bólisti.

«Árbir ulttyq valıýtanyń baǵamy jeke bir memlekettegi aqsha-nesıe saıasatpen, ekonomıkalyq jaǵdaımen aıqyndalady. Reseılik rýbldiń baǵamy Reseı Federatsııasyndaǵy jaǵdaıǵa, Ortalyq bank tarapynan júrgiziletin aqsha saıasatyna baılanysty belgilenedi. Bizdegi baǵam ekonomıkalyq jaǵdaıymyzǵa baılanysty anyqtalady. Eksport ta, ımport ta yqpal etedi», - dedi Mádına Ábilqasymova.