Munaıly Qazaqstan óziniń geologııalyq barlaý áleýetin áli de eńsere almaı keledi - U. Qarabalın
«Qazirgi tańda elimizde jer qoınaýyn paıdalaný boıynsha kómirsýtek shıkizaty salasynda 203 kelisimshart jasalǵan. Olardyń ishinde 59 barlaý, 64 óndirý, 68 birlesken barlaý óndirý boıynsha bolyp otyr. Byltyr shamamen 346 myń metrden astamdy tereńdikti uńǵyǵan 212 barlaý skvajınalary júzege asty. 2,5 myń sharshy shaqyrym boıynsha seısmobarlaý jumystary atqaryldy. Bes jylda 1908 barlaý skvajınalary uńǵylandy. ıAǵnı, aıtarlyqtaı deńgeıde barlaý jumystary júrip jatyr degen sóz», - dedi Uzaqbaı Qarabalın.
Sonymen birge vıtse-mınıstr bıylǵy jyly Qazaqstannan munaı óndirilgenine 116 jyl tolatynyn atap ótti. Onyń aıtýynsha, osy ýaqyt aralyǵynda munaı barlaý jumystary udaıy júrgenimen, onyń deńgeıi ár jyldary ár túrli boldy. «Osy jyldar ishinde biz jer qoınaýyndaǵy salystyrmaly tereńdikterdegi ken oryndaryn ájeptáýir zertteı aldyq. Endigide izdeý, barlaý jumystaryn odan da tereńdikte júzege asyrý qajet, al bul úshin qosymsha shyǵyndar men jańa tehnologııalar qajet etiledi. Óıtkeni, bes myń metr tereńdikte bir skvajınany barlaý úshin 15-20 mln. dollar ketedi. Sondyqtan da, bundaı tereńdikte skvajına uńǵylaýǵa kez kelgen ınvestor bara bermeıtini anyq. Olarǵa tabylatyn munaıdyń yqtımaldyǵy meılinshe joǵary deńgeıde bolýy kerek. Sol úshin biz ınvestorlardy yntalandyrý maqsatynda jańa tehnologııalarǵa múddelimiz», - dep atap ótti Uzaqbaı Qarabalın.
Vıtse-mınıstrdiń sózine qaraǵanda geologııalyq barlaý jumystary boıynsha munaı memleketi ıerarhııasyndaǵy Qazaqstan óz áleýetin áli de eńsere almaı otyr. Sondyqtan da, Elbasy aıqyndaǵan reformalar aıasynda osy baǵytqa basymdyq berilip otyr.