Munaıgaz kompanııalary 700 mlrd. teńgeden astam somaǵa qazaqstandyq taýarlardy, jumystardy jáne qyzmetterdi satyp aldy
Bul týraly búgin elordada kelisim mindetterin oryndaý máseleleri boıynsha munaıgaz sektorynyń ken oryndaryn paıdalanýshylarmen ótken keńeıtilgen jıyn barysynda Munaı jáne gaz mınıstrliginiń jaýapty hatshysy Qanatbek Safınov málim etti.
Onyń atap ótýinshe, munaıgaz salasynyń qazaqstandyq óndirýshilerden satyp alýlary aǵymdaǵy jyldyń 9 aıynda ótken jyldyń sáıkes kezeńimen salystyrǵanda 2 esege, naqty aıtqanda 300 mlrd. teńgeden 734 mlrd. teńgege deıin ósken. «Bul aıtarlyqtaı ilgerileýshilik», - dedi ol.
Al Kelisimshart agenttiginiń dırektory Jan Nurbekovtiń atap ótýinshe, 9 aıdyń qorytyndysy boıynsha munaıgaz kompanııalarynyń satyp alýlaryndaǵy qazaqstandyq qamtý taýarlarda 106, jumystarda 35, qyzmetterde 73,1 paıyzdy quraǵan.
Q.Safınovtyń tóraǵalyǵymen ótken qazaqstandyq qamtýdy damytý máselesine arnalǵan jıynǵa 300-den astam ókil qatysty. Olardyń qatarynda 140 munaıgaz kompanııasynyń basshylary, qazaqstandyq óndiris oryndarynyń ókilderi, memlekettik organdardyń qyzmetkerleri boldy.