Munaıdyń qymbattaýy Qazaqstandaǵy janarmaı baǵasyna áser ete me

NUR-SULTAN. QazAqparat – QR Energetıka mınıstri Bolat Aqsholaqov munaı baǵasynyń qymbattaýy Qazaqstandaǵy janarmaı baǵasyna qalaı áser etetinin túsindirdi, dep habarlaıdy QazAqparat tilshisi.

«Ózderińiz bilesizder, qazir bizde munaı baǵasy belgilengen, rettelip otyr. Іshki naryqtaǵy munaı baǵasynyń álemdik baǵamen eshqandaı baılanysy joq. Tipti halyqaralyq baǵa ósse de, ishtegi baǵaǵa tikeleı áseri bolmaıdy. Biz ishtegi baǵa ósedi dep kútip otyrǵan joqpyz», - dedi vedomstvo basshysy.

Mınıstrdiń aıtýynsha, eldegi munaı ónimderi óz shıkizatymyzdan ári óz zaýyttarymyzda óńdeletindikten, syrtqy naryqtaǵy baǵaǵa táýeldi emes.

«Syrtqy naryqta jyl basynda munaıdyń baǵasy 80 dollardan tómen bolsa, qazir 100-den asyp tur. Al ishtegi baǵa ózgergen joq. Tarıhı ólshemmen qarasaq ta halyqaralyq naryqtaǵy eksport baǵasy men munaı ónimderiniń ishki baǵasynyń arasynda korellıatsııa joq. Óıtkeni biz janarmaıdy óz munaıymyzdan, óz zaýyttarymyzda óndiremiz. Eger ımporttaǵan bolsaq, shynymen de óte qatty táýeldilik bolar edi. Biraq biz ózimiz óndiremiz. ıAǵnı, bizde ishki baǵany ustap otyrý múmkindigi bar», -dedi Energetıka mınıstri.