Munaıdyń baǵasy uzaq ýaqyttan beri alǵash ret 70 dollardan asty

NUR-SULTAN. QazAqparat – Munaı baǵasy aıtarlyqtaı qymbattady – Brent markaly munaıdyń barreliniń quny $70 boldy, dep habarlaıdy QazAqparat tilshisi.

Sarapshylardyń atap ótýinshe, mundaı nátıje 2019 jyldyń mamyrynan beri alǵash ret tirkelip otyr, dep habarlaıdy Investing.com.

Sarapshylar mundaı ósimdi Taıaý Shyǵystaǵy jaǵdaıdyń órshýimen baılanystyryp otyr.

London bırjasyndaǵy saýda-sattyq barysynda Brent markaly munaıdyń baǵasy Nur-Sultan ýaqytymen 7:15-te 70,16 dollardy qurap, munyń aldyndaǵy saýda kúnimen salystyrǵanda 2,08%-ǵa qymbat boldy.

Sońǵy ret Brent barreliniń baǵasy mamyrdyń sońynda $70-ke jetken edi. Ol kezde de munaıdyń qymbattaýy Parsy shyǵanaǵyndaǵy oqıǵalarǵa baılanysty boldy.

Avtory Azamat Syzdyqbaev