Munaıdyń baǵasy edáýir kóterildi
08:39, 23 Tamyz 2018
ASTANA. QazAqparat - London jáne Nıý-Iorktiń shıkizat bırjalarynda sársenbi kúngi saýda-sattyqtyń nátıjesi boıynsha munaıdyń baǵasy edáýir kóterildi, dep habarlaıdy «QazAqparat» HAA.
Saýda qorytyndysy boıynsha, Londonnyń ICE Futures bırjasynda qazan aıynda jetkiziletin Brent markaly munaıdyń fıýchersteri 2,05 dollarǵa qymbattap, barreline 74,89 dollardy qurady.
Nıý-Iork taýar bırjasynda (NYMEX) WTI markaly jeńil munaıdyń qazan aıyndaǵy fıýchersteriniń bir barreli 2,02 dollarǵa kóterilip, 67,86 dollar boldy.