Munaıdyń baǵasy 20 dollardan da tómen bolýy múmkin - Venesýela mınıstri

ASTANA. QazAqparat - Venesýelanyń Munaı jáne taý-ken ónerkásibi mınıstri Eýlohıo del Pıno iri kólemde munaı óndiretin memleketterdiń ókilderi Aljırde bolatyn kezdesýde ózderiniń is-áreketterin úılestire almaıtyn bolsa, munaı baǵasy 20 dollardan da tómen bolýy múmkin degen boljam aıtty.

Bul týraly RBK habarlady.

«Biz baǵa máselesi boıynsha qıyndyqqa tap bolmaý úshin Saýd Arbııasy men Iranmen turaqty baılanystamyz. Eger biz kelisimge kele almasaq, baǵamen baılanysty bolyp jatqan qıturqy áreketterdiń qurbany bolamyz. Onda munaı baǵasy barreline 20 dollardan da tómendeýi múmkin»,-dedi del Pıno.

Qazirgi tańda Bank of America sarapshylary munaı naryǵynda baǵa máselesine qatysty soǵystardy jalǵastyrýdyń eshqandaı máni joq ekendigin aıtyp otyr. Bank sarapshylarynyń derekteri boıynsha, búgingi tańda munaıdy óndirý kólemin ulǵaıtý eshqandaı da paıda ákelmeıdi jáne OPEK úshin de munaı óndirý isine ınvestıtsııalardy ulǵaıtý tıimsiz.

RBK málimetteri boıynsha, eger kartel músheleri baǵany turaqtandyrý baǵytynda bir kelisimge keletin bolsa, iri munaı óndirýshi memleketterdiń kezdesýi Aljırde 28 qyrkúıekte ótedi. Alaıda, OPEK músheleriniń bir-birimen til tabysa almaýy ábden múmkin. Óıtkeni, Saýd Arabııasy men Iran áli kúnge deıin ózara kelisimge kele almaı otyr.