Munaıdyń álemdik baǵasy taǵy ósti

MÁSKEÝ. TASS-QazAqparat – ICE London bırjasynda Brent markaly munaıdyń qańtardaǵy fıýchersiniń baǵasy 3,82% -ǵa ósip, bir barreli 44,02 AQSh dollaryn qurady, dep habarlaıdy QazAqparat TASS agenttigine silteme jasap.

Máskeý ýaqytymen 01:05-tegi jaǵdaı boıynsha Brent markaly munaı baǵasy ósimin báseńdetip, bir barreli úshin 43,99 AQSh dollary deńgeıinde saýdalandy. WTI munaıy 3,64%-ǵa deıin artyp, 1 barreli 42,1 AQSh dollaryn qurady.

Brent markaly munaıdyń bir barreli 44 AQSh dollarynan sońǵy ret bıylǵy jyldyń 4 qyrkúeıeginde saýdalandy.

Brent munaıynyń qymbattaýy AQSh Energetıka mınıstrliginiń esebin jarııalaý aıasynda júrdi. Osylaısha, mınıstrlik Brent markaly munaı baǵasynyń 2020 jylǵa arnalǵan boljamynda 1 barreline 41,19 dollardan 40,61 dollarǵa deıin tómendetti. Mınıstrliktiń baǵalaýynsha, 2021 jyly baǵa 1 barreline 46,59 dollar deńgeıinde belgilenedi.

Eske salsaq, 9 qarashada Brent markaly munaı fıýchersiniń quny 3,04% ósip, barreline 40,65 dollar boldy.

Al keshe Úkimet otyrysynda QR Ulttyq bank tóraǵasy Erbolat Dosaev bıylǵy

qarasha aıynda munaı baǵasy kóterile bastaǵany týraly aıtty.