Munaıdyń álemdik baǵalary AQSh-taǵy qorlardyń málimetterimen ósip jatyr

ASTANA. QazAqparat - Saýda málimetteri kýálandyryp otyrǵandaı, álemdik munaı baǵalary AQSh-taǵy «qara altyn» qorlary týraly habarlamalar negizinde oń serpin kórsetip otyr, dep habarlaıdy RIA Novostı.

Brent markaly soltústikteńizdik munaı qospasynyń jeltoqsandaǵy fıýchersteriniń quny 0,73 paıyzǵa ósip, bir barrel úshin 49,16 dollardy qurady. WTI markaly munaıdyń baǵasy 0,39 paıyzǵa ósip, bir barrel úshin 46,24 dollarǵa deıingi baǵany kórsetti.

«Qazan aıynyń sońynda munaıdyń baǵasy álsireý belgilerin kórsetpeı tur. AQSh-taǵy qorlar ósýin jalǵastyrdy. AQSh Energetıka mınıstrliginiń málimetteri qorlardyń bes jylǵy ortasha maýsymdyq máninen 100 mıllıon barrel joǵary bolyp qalyp otyrǵanyn kórsetip otyr», - dep jazady IG Markets strategi Bernard Aýdyń (Bernard Aw) sózderin Frans Press agenttigi.