Munaıdyń aǵymdaǵy baǵasy saqtalatyn bolsa TMD ekonomıkasy 2012 jyly 4,9 paıyzǵa damıdy

ALMATY. 5 sáýir. QazAqparat -  Munaı baǵasy aǵymdaǵy deńgeıde saqtalatyn bolsa, 2012 jyly TMD ekonomıkasynyń damýy orta eseppen  4,9 paıyzdy, al 2013 jyly 5,2 paıyzdy quraıtyn bolady.

Bul tujyrymdy Eýrazııa damý bankiniń Taldaý basqarmasy shyǵarǵan «TMD makromonıtory» basylymy jasap otyr.

Halyqaralyq qarjy ınstıtýty baspasóz qyzmetiniń habarlamasyna qaraǵanda,  sarapshylardyń aıtýynsha TMD elderi ekonomıkasynyń damýyndaǵy negizgi faktor munaı baǵasy bolyp otyr. Sol sebepti olar aımaqtyń damýynyń 2 balamaly  stsenarııi jasaǵan. Máselen munaıdyń aǵymdaǵy baǵasy (1 barrel  115 AQSh dollary)  óńirdiń damýyn orta eseppen 2012 jyly 4,9 paıyzǵa, 2013 jyly 5,2 paıyzǵa deıin jyldamdatpaq.  Ol 90 dollarǵa deıin tómendegen jaǵdaıda ekonomıkanyń damýy 2012 jyly - 3,2, al 2013 jyly - 3,9 paıyzǵa deıin baıaýlaıdy.