Munaı jáne kondensat óndirý kólemi 49,8 mln tonnany qurady – Energetıka mınıstrligi

NUR-SULTAN. QazAqparat – QR Energetıka mınıstrligi 2021 jylǵy qańtar-shilde aılarynyń qorytyndysy boıynsha otyn-energetıkalyq keshenniń aǵymdaǵy jaǵdaıy týraly jarııalady, dep habarlaıdy QazAqparat tilshisi.

«Kórsetilgen kezeńde munaı jáne kondensat óndirý kólemi 49,8 mln tonnany qurap, jospar

99% oryndaldy. Teńiz jobasynda atalǵan kezeńde

15,9 mln tonna munaı óndirildi, jospar 100 paıyzǵa atqaryldy. Qarashyǵanaq jobasynyń kórsetkishi

6,9 mln tonnany qurady, bul kórsetkish bıylǵy jeti aıdyń josparyna qaraǵanda 95,1%-dy qamtydy», - delingen mınıstrlik málimetinde.

Osy turǵyda Orynbor gaz óńdeý zaýytyndaǵy jospardan tys jóndeý jumystarynyń júrgizilýine oraı, Qarashyǵanaq ken ornynan jetkiziletin gazdy qabyldaýdy shekteý sebebinen, esepti aıdyń josparynyń kórsetkishinen tómen bolýyna alyp keldi.

«Soltústik Kaspıı jobasy – Qashaǵanda munaı óndirý kólemi – 8,7 mln tonna boldy, ıaǵnı

qańtar-shilde aılarynyń jospary 100% oryndaldy.

Esepti kezeńde 39,3 mln tonna munaı eksporttaldy, aǵymdaǵy jylǵy qańtar-shilde aılarynyń jospary 100%-ǵa oryndaldy» - dep atalyp ótken vedomstvo habarlamasynda.