Munaı jáne gaz mınıstri: Qazaqstan janarmaı baǵasyn jasandy jolmen ustap tura almaıdy
16:34, 30 Shilde 2014
ASTANA. QazAqparat - Qazaqstan janarmaı baǵasyn jasandy jolmen ustap tura almaıdy. Búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte Munaı jáne gaz mınıstri Uzaqbaı Qarabalın osylaı málimdedi.
Mınıstrdiń sózine qaraǵanda, Qazaqstanda ózi shekaralasatyn Reseı, Qytaı, Ózbekstan, Qyrǵyzstanǵa qaraǵanda benzın baǵasy birshama tómen.
«Eýropa elderimen salystyrsaq ta bizde benzın baǵasy tómen, bylaısha aıtqanda biz janarmaı eń arzan elderdiń biri bolyp otyrmyz. Degenmen, naqty ekonomıkalyq jaǵdaıdy esepke almaı bolmaıdy. Sondyqtan da aınalamyzda oryn alyp jatqanǵa mán bermeı otyra almaımyz. Jahandyq ekonomıkanyń bir bólshegine aınalǵan Qazaqstan janar-jaǵarmaıdyń jasandy baǵasyn qolmen ustap tura almaıtynyn aıtqym keledi», - dedi Uzaqbaı Qarabalın.