Munaı servıs kompanııalaryn memleket menshigine alý kózdelip otyrǵan joq - EM
Sońǵy kezde buqaralyq aqparat quraldarynda jáne áleýmettik jelilerde keıbir munaı servıs kompanııalary («Burǵylaý» JShS, «West Oil software» JShS, «Caspian Food» JShS, «Bozashy Trans qurylys» JShS jáne basqalar) qyzmetkerleriniń olardyń kásipornyn memleket menshigine alýǵa qatysty, mysaly, «QazMunaıGaz» UK AQ nemese onyń enshiles uıymdary arqyly satyp alý týraly aqparat jarııalana bastady.
Osy aqparatqa qatysty Energetıka mınıstrligi túsinik berdi.
Memlekettiń ekonomıkadaǵy úlesin tómendetý máselelerin sheshý - el kásiporyndarynyń básekege qabiletin arttyrý jáne salaýatty báseke ortasyn qamtamasyz etý jónindegi jumystaǵy mańyzdy basymdyq. Sondyqtan memlekettik jáne kvazımemlekettik kásiporyndardy básekelestik ortaǵa, onyń ishinde munaı-gaz keshenine berý boıynsha belsendi jumys jalǵasyp jatyr.
Jekeshelendirýdiń 2021-2025 jyldarǵa arnalǵan keshendi josparyna sáıkes, «Samuryq-Qazyna» holdınginiń kompanııalar toby boıynsha kezeń-kezeńimen shamamen 40 kásiporyndy jekeshelendirý josparlanǵan.
«Osyǵan baılanysty munaı servıstik kompanııalaryn «QazMunaıGaz» UK AQ satyp alý jolymen memleket menshigine aınaldyrý kózdelip otyrǵan joq» dep túsindirdi mınıstrlik.
Óz kezeginde merdiger uıymdardyń áleýmettik-eńbek jaǵdaıyn jaqsartý úshin «Qazmunaıgaz» UK AQ tobynyń barlyq perımetri boıynsha tıisti jumys júrgizilip jatyr.