Munaı salasyn tsıfrlandyrýdyń qandaı paıdasy bar
«Tsıfrlyq Qazaqstan» baǵdarlamasynda «Munaıdy esepke alý baǵdarlamasy» dep atalatyn joba bar. Bul jobanyń túpki máni munaı men munaı ónimderiniń zańsyz aınalymymen kúres sanalady. Bul júıe óndirýden bastap janarmaı quıý stansasynyń pıstoletine deıingi barlyq tsıkldi baqylaý aspaptaryn ornatýdy qarastyrady. Sáıkesinshe, norma qazirdiń ózinde zańda bar. Endigi ýaqytta ken oryndarynda mundaı baqylaý jáne esepke alý aspaptaryn ornatý máselesi kóterilip otyr. Eger ken orny ıntellektýaldy bolsa, onda bul másele ońaı sheshiledi. ıAǵnı, olardy biryńǵaı júıege ıntegratsııalaý ǵana qajet», - dedi vıtse-mınıstr.
Onyń atap ótýinshe, munaıdyń jasyryn jáne zańsyz aınalymy - bıýdjet úshin úlken shyǵyn, bul qylmys jáne ol ásirese energetıka syndy sezimtal salada bolmaýy tıis. Sondyqtan búkil munaı-gaz salasynyń ashyqtyǵyn qamtamasyz etý úshin atalǵan baǵdarlamaǵa basa mán berilip otyr. Buǵan qosa, bul júıege barlyq jer qoınaýyn paıdalanýshylar men memleket málimetteriniń biryńǵaı júıesi qosylady.
«Bul bızneske ne beredi? Birinshiden, shyǵystardyń qysqarýynan, qandaıda bir jóndeý jumystary kezeńinde shyǵystardyń ońtaılandyrylýynan bólek jospardan tys tekserý dep atalatyn túsinik joıylady. Óıtkeni, Memlekettik kirister komıteti de atalǵan málimetter bazasynda bolady. Jáne de barlyǵy bir málimetke súıenedi. Sala jan-jaqty tsıfrlandyrýdy qajetsinedi. Áńgime tek onyń qashan júzege asyrylatyndyǵynda bolyp tur. Ókinishke oraı, Qazaqstanda, Reseıde jáne Ázerbaıjanda da shartty túrde 2-3 jyldyq qana ómiri bar ken ornyndary kóp. Sondyqtan da qomaqty qarajatty qajet etetin mundaı sheshimderdi olarǵa qoldanýdyń qajet joq», - dedi Bolat Aqsholaqov.