Munaı ónimderine aktsız esepteý tásili ózgerýi múmkin

ASTANA. QazAqparat – Munaı ónimderine aktsız esepteý tásili ózgerýi múmkin. Ulttyq ekonomıka mınıstri Azamat Ámrın Senatta ótken dóńgelek ústelde vedomstvo atynan osyndaı usynys jasady, dep habarlaıdy QazAqparat tilshisi.

«Munaı ónimderiniń aktsızin tolaıym saýdaǵa emes, bólshek saýdaǵa esepteý usynylyp otyr. Nege ekenin túsindireıin. Bul jerde salyq mólsherlemesin qazirgi tásil boıynsha arttyrsaq, munaı óńdeıtin zaýyty bar úsh óńir ǵana kiris alady – Shymkent, Pavlodar, Atyraý», - dedi ol.

Vıtse-mınıstrdiń aıtýynsha, ózderi usynyp otyrǵan tásil ózge óńirlerdiń kirisin arttyrýy múmkin.

«Al aktsızdi bólshek saýdaǵa salsaq, basqa oblystar da kiris alady. Óıtkeni munaı ónimderi búkil óńirlerde bólshek saýdada satylady. Ádildik turǵysynan osy durys bolatyn shyǵar. Sebebi aktsız mólsherlemesi artqan eken, odan búkil oblystar kiris kórýi kerek», - dedi Azamat Ámrın.