Munaı óndiretin óńirlerde teri men ókpe obyry kóp – Baqytjan Ońǵarbaev

<p>Almaty qalasyndaǵy Onkologııa jáne radıologııa ınstıtýty dırektorynyń orynbasary Baqytjan Ońǵarbaev eldegi onkologııalyq ahýaldy órshitip turǵan zaýyttardy atady, dep habarlaıdy <a href="Kazinform" target="_blank" rel="noopener">Kazinform.&nbsp;</a></p>

Astanadaǵy Prezıdent ortalyǵynda Qazaqstan onkologtary men radıologtarynyń ІH sezi ótip jatyr. Іs-shara bastalmaı turyp BAQ ókilderine suhbat bergen Onkologııa jáne radıologııa ınstıtýty dırektorynyń orynbasary Baqytjan Ońǵarbaev ekologııanyń áserinen onkologııalyq aýrýǵa shaldyqqandardyń jeke statıstıkasy júrgizilmeıtinin aıtty. 

«Ár qaterli isiktiń syrtqy jáne ishki faktorlary bolýy múmkin. Árıne, syrtqy faktorlarǵa ekologııalyq sebep, Semeı polıgonymen, zaýyttarmen baılanysty áserler jatady. Naqty ekologııanyń sebebinen týyndaǵan dep bóliný joq. Ondaı statıstıkany eshkim jasamaıdy», - dedi maman. 

Onkolog obyr aýrýlarynyń kórsetkishi Shyǵys Qazaqstan men Pavlodar oblystarynda, Astana men Almatyda jıi tirkeletinin atap ótti. 

«Bizde Óskemen qalasynda bes zaýyt bar. Tıtan-magnıı zaýytynan bastap ýran óndirisine deıin bar. Pavlodarda alıýmınıı zaýyty men munaı óńdeıtin zaýyt jumys isteıdi. Munaı óndirisiniń de áseri bar. Munaı óndirisi bar óńirlerde de onkologııalyq aýrýlar jıi kezdesedi. Olardyń klınıkalyq sıpatyna kelsek, munaı óndirisimen baılanysty bolǵandyqtan teri obyrlary, ókpe obyry kóp», - dedi Baqytjan Ońǵarbaev.