Munaı óńdeý tómendedi, endi ishki naryqta janarmaı tapshylyǵy bola ma

NUR-SULTAN. QazAqparat – Qańtarda elimizde munaı ónimderin óńdeý kólemi 90,5 paıyz oryndaldy. Bul týraly búgin Úkimet otyrysynda QR Energetıka mınıstri Nurlan Noǵaev aıtty, dep habarlaıdy QazAqparat tilshisi.

«Qańtar aıynyń qorytyndysy boıynsha 1 mln tonna munaı ónimderi óndirildi. Bul kórsetkish qańtar aıynyń josparyna 90,5 paıyzdy quraıdy. Onyń ishinde avtobenzın boıynsha kórsetkish 410 myń tonnaǵa jetti. ıAǵnı, jospardyń 91,2 paıyzyn qurady. Óndirilgen dızel otynynyń kólemi - 326 myń tonna. Jospar 77 paıyzǵa oryndaldy. Áýe otyny boıynsha kórsetkish 35 myń tonnaǵa teń. Jospar 91,4 paıyz oryndalyp otyr», - dedi Nurlan Noǵaev.

Mınıstr atalǵan kórsetkishterdiń tómendeý sebepterine de toqtaldy.

«Osy jyldyń qańtarynda Atyraý munaı óńdeý zaýytynda elektr energııasyn jetkizýde irkilis, aqaý paıda boldy. Bul jaǵdaı katalıkalyq krekıng jáne reformıng qondyrǵylarynyń tolyqtaı jáne ishinara isten shyǵýyna alyp keldi. Bul rette munaı óńdeý jáne munaı ónimderin óndirý kóleminiń tómendegenine qaramastan, ishki naryqtaǵy munaı ónimderiniń qory turaqty deńgeıde. 16 aqpandaǵy jaǵdaı boıynsha ishki naryqta 24 kúnge jetetin 251 myń tonna benzın, 38 kúnge jetetin 357 myń dızel otyny qory bar», - dedi ol.

Onyń dereginshe, qańtarda 242myń tonna mazýt óndirilip, jospar 116 paıyzǵa oryndaldy.