Munaı kelisimsharttarynyń shartyn ashý qajet – «Baıtaq» partııasy tóraǵasynyń jańa orynbasary

<p>ASTANA. KAZINFORM &ndash; &laquo;Baıtaq&raquo; partııasy tóraǵasynyń orynbasary qyzmetine kirisken Oleg Pak jańa laýazymda qandaı máselelermen aınalysatyndyǵyn aıtty. Olardyń qatarynda munaı óndirýshi kompanııalarmen jasalǵan kelisimsharttardyń shartyn ashý, kómir hımııasyn, AES tóńiregindegi ınfraqurylymdardy damytý bar.</p>

Onyń atap ótýinshe, qazirdiń ózinde partııa kómir hımııasy salasyndaǵy jobalardy damytyp jatyr. Bul salanyń áleýeti 15 mlrd dollardy quraıdy jáne 20 myń jańa jumys ornyn qurýǵa múmkindik beredi.

«Biz kómirdi elektr energııasy men jylý alý úshin búgingideı jaqpaýdy, kerisine ony tereń óńdeýdi usynamyz. Kómirden polımerler, tyńaıtqyshtar sııaqty 500-den astam ónim alýǵa bolady», - dedi ol.

Sonymen qatar ol partııa tóraǵasynyń orynbasary retinde jumysynyń basty baǵyttarynyń biri munaı kelisimsharttarynyń shartyn ashýǵa baǵyttalatyndyǵyn aıtady. Onyń paıymynsha, Teńiz, Qashaǵan jáne Qarashyǵanaq ken oryndary boıynsha basalǵan kelisimsharttardy qaıta qarastyrý qajet. Sonymen qatar atalǵan kenishterde óndiriletin shıkizatty eksportqa shyǵarǵannan góri tereń óńdeý óte oryndy.

«Atom elektr stansasyn salyp qana qoımaı, onyń aınalasynda qajetti ınfraqurylymdy qurý úshin qurylysshyǵa ulttyq talabymyzdy qalyptastyrýymyz kerek», - dedi ol.

Buǵan deıin «Parasat» kásipkerler alıansy» qaýymdastyǵy Qazaqstannyń «Baıtaq» jasyldar partııasyna qosylǵanyn jazǵan edik.