Munaı-gaz salasyndaǵy jańa kásipter atlasy ázirlenedi
«Qazaqstannyń munaı-gaz salasyndaǵy jańa kásipter men quzyretter atlasyn ázirleý bolashaqta suranysqa ıe mamandyqtar men daǵdylardy anyqtaýǵa kómektesedi. Naryqtyń negizgi qatysýshylary úshin aqparattyq qundylyǵy bar qarapaıym qoldanbaly quralǵa aınalady. Mysaly, jańa kásip – smart-field júıelerin ázirleýshi, ol kómirsýtekterin óndirý kórsetkishterin arttyrý maqsatynda munaı qabatyn basqarýǵa múmkindik beretin baǵdarlamalyq jáne tehnıkalyq quraldar keshenin ázirleýdi kózdeıdi. Bul - munaı-gaz salasyndaǵy taǵy bir jańa kásip «bolashaq digital-tehnolog» ken oryndarynyń ómirlik tsıklinn basqarýdy avtomattandyrýdan turatyn munaı-gaz sektorynyń trendi», - delingen habarlamada.
Atlas qazaqstandyq bilim berý uıymdaryna (ýnıversıtetter, kolledjder) jáne munaı-gaz kompanııalaryna jańa bilim berý baǵdarlamalary men kásibı standarttardy ázirleý boıynsha birlesken qadamdardy jasaýǵa múmkindik beredi.
Taraptardyń yntymaqtastyǵy trendterdi jáne olardyń saladaǵy kásipterdiń transformatsııasyna áserin anyqtaýǵa, taıaýdaǵy 10-15 jylǵa suranysqa ıe kásipter men quzyretterdi anyqtaýǵa, sondaı-aq kadrlardy daıarlaýǵa múddeli salanyń negizgi oqý oryndary men kásiporyndaryn kórsete otyryp, jańa kásipterdi jergiliktendirý baǵdarlamasyn aıqyndaýǵa múmkindik beredi.