Munaı-gaz salasyndaǵy mamandyqtar men laýazymdardyń biryńǵaı tizimi jasalady - «KAZENERGY»
«Munaı-gaz salasyndaǵy mamandyqtar men laýazymdardyń biryńǵaı tizimin jasaqtaýdy kelesi jyldyń basynda Munaı jáne gaz mınıstrliginiń aıasynda bastaýymyz qajet», - dedi Á.Maǵaýov «KAZENERGY» Qaýymdastyǵy adam kapıtalyn damytý jónindegi úılestirý keńesiniń otyrysynda.
Onyń aıtýynsha, árbir kompanııa, árbir organ bir laýazym ataýyn ár túrli atap júr. Bul tapshy mamandyqtardy anyqtap, oqý oryndaryna tapsyrys berýde úlken qıynshylyqtarǵa ákep soqtyrady.
«Biz qazirgi ýaqytta bir mamandyqtyń birneshe ataýlaryn aldyq. Endi bizdiń aldymyzda ony birizdendirý maqsaty tur», - dep atap ótti ol.
Á.Maǵaýovtyń atap kórsetkenindeı, bul munaı-gaz salasynyń mamandyqtarǵa qajettilik boljamyn jasaý, joǵary jáne orta kásiptik bilim berý oqý oryndaryna suranysy joǵary mamandardy daıyndaý jónindegi usynystardy berý jumystaryn ońtaılandyrady.
Osy maqsatta otyrys barysynda mamandyqtardyń biryńǵaı tizimin jasaý úshin 5 baǵyt boıynsha jumys toptaryn qurý jóninde sheshim qabyldandy.