Munaı-gaz salasynda qansha jumysshy qysqartyldy
«Biz jaǵdaıdy turaqty baqylap otyrmyz. 13 mamyrdaǵy jaǵdaı boıynsha jalaqysy saqtalmaıtyn demalystaǵy jumysshylardyń sany 500-ge jýyq adam. Sonymen qatar, tolyq emes jumys kúnimen qamtylǵan 398 adam bolsa, jalaqy tólemine qatysty jumysy ýaqytsha toqtaǵan 2 200 adam tirkeldi. ıAǵnı, jappaı tikeleı qysqartýlar bolmaǵanyn kórip turmyz. Atap aıtqanda, munaı salasynda 40 adam qysqartylǵan, sondaı-aq ózderiniń sheshimimen 90 adam qyzmetinen ketken», - dedi vıtse-mınıstr búgin Ortalyq kommýnıkatsııalar qyzmetinde.
Onyń atap ótýinshe, jumys oryndaryn saqtap qalýǵa baılanysty tıisti sharalar atqarylatyn bolady.
«Monıtorıng aıasynda oblys ákimdikteri iri kompanııalarmen keshendi josparlardy ázirledi. Osy oraıda jumys oryndaryn saqtaý boıynsha munaı jáne gaz kompanııalarymen jańa memorandýmdardy bekitý eskerilip otyr. Sonymen qatar, jumysshylardyń eńbek quqyqtaryn saqtaýǵa qatysty qadaǵalaý sharalary kúsheıtildi», - dedi Áset Maǵaýov.