Munaı-gaz salasynda básekege qabiletti bolý úshin nege mán berý kerek?

ASTANA. QazAqparat - Búgin «Nur Otan» partııasynyń Májilistegi fraktsııasy janyndaǵy Ekonomıkalyq saıasat keńesiniń otyrysynda Energetıka mınıstri Vladımır Shkolnık munaı-gaz salasyndaǵy básekege qabilettilik máselesine toqtaldy. Eske salaıyq, keńeste «Nur Otan» partııasy Saılaýaldy tuǵyrnamasynyń «Innovatsııalyq ekonomıka» baǵyty boıynsha máseleler talqylanǵan edi.

«Men bunyń aldynda bizdiń munaı óndirýimiz barysyndaǵy «energetıkalyq kannıbalızm» týraly aıtyp edim. ıAǵnı, biz munaı óndirý úshin kóptegen energııa jumsap jatyrmyz. Jalpy, «energy returned on energy invested», ıaǵnı «jumsalǵannyń ornyna alynǵan energııa» degen uǵym bar. Mysal retinde aıta keteıik, alǵash ret munaı óndirile bastaǵanda 1 bóshke munaımen 300 bóshke munaı alýǵa bolatyn edi. Al qazir 1 bóshke munaımen 15-20 bóshke munaı ǵana alýǵa bolady. Mine, básekege qabiletti bolý úshin osyǵan basa mán berýimiz kerek», - dedi V. Shkolnık.

Sonymen qatar, mınıstr energııa tıimdiligine qatysty máselege de nazar aýdardy.

«Bizdiń elimizde jylyna paıdalanylatyn energııa 65 mln. tonna munaıdyń ekvıvalentine teń. ıAǵnı, energııaǵa jumsalatyn shyǵynnyń ózi 65 mln. tonna munaımen teń degen sóz. Al osynyń 27-i paıyzy - bizdiń energııa únemdeýdegi resýrsymyz bolýy tıis edi. Minekı, qandaı áleýet? Biz qatarynan kóringimiz keletin damyǵan otyz eldiń energııa qamtymdylyǵy da ońtaıly. Máselen, Germanııa ishki jalpy ónimdegi 1000 dollar úshin 0,12 tonna munaı shyǵyndaıdy. Al biz úshin bul 0,42 tonna, Reseıde 0,35, AQSh-ta 0,17 tonnaǵa teń», - deıdi Vladımır Shkolnık.