Munaı-gaz kesheni qyzmetkerleri salalyq kásipodaǵynyń tóraǵasy taǵaıyndaldy

ASTANA. 18 qyrkúıek. QazAqparat - 2013 jylǵy 18 qyrkúıekte Astana qalasynda «Munaı-gaz kesheni qyzmetkerleriniń salalyq kásipodaǵy» Respýblıkalyq qoǵamdyq birlestiginiń quryltaı jınalysy ótti, dep habarlaıdy «QazMunaıGaz» kompanııasynyń baspasóz qyzmetinen.

Jınalysqa «QazMunaıGaz» kompanııalar tobyna kiretin barlaý, óndirý, munaı jáne gaz tasymaldaý, munaı óńdeý, sonymen qatar servıs salalarynda qyzmet atqaratyn kásiporyndar kásipodaq birlestikteriniń ókilderi qatysty. Sonymen qatar forýmǵa QMG enshiles mekemeleri jáne jekelegen respýblıka óńirlerinde qyzmet etetin óndiristik qurylymdarynyń kásipodaq jetekshileri keldi.

Quryltaıǵa qatysýshylar qoǵamdyq birlestiktiń jarǵysyn bekitip, birlestik tóraǵasyn, ortalyq keńes jáne baqylaý-tekseris komıssııasynyń múshelerin taǵaıyndady. Jınalys barysynda baqylaý-tekseris komıssııasynyń erejesi, bólimshe qurylymy, bastaýysh mekemeler jáne múshelik jarna máseleleri qarastyryldy. Sonymen qatar, quramyna 10 oblystyq, Astana jáne Almaty qalalyq bólimsheleri kiretin salalyq kásipodaqtyń uıymdastyrýshylyq qurylymy bekitildi.

Munaı-gaz kesheni qyzmetkerleri salalyq kásipodaǵynyń Tóraǵasy bolyp «QazMunaıGaz» UK AQ Áleýmettik saıasat jáne qoǵammen baılanys departamenti dırektorynyń orynbasary Sultan Qalıev taǵaıyndaldy.

Endigi kezekte qoǵamdyq birlestik resmı tirkeýdi qajet etedi.