Munaı barreli 40 dollarǵa quldyrasa, el bıýdjeti 180 mlrd teńgeden qaǵylady
«Daǵdarys qubylystarynyń arqasynda ózimizdiń qarjylyq jáne bıýdjettik júıemizdiń myǵymdyǵyn birneshe márte synadyq. Jumys isteýdi ári qol astynda túrli stsenarıılerdi ustap otyrýdy úırendik. Árıne, munaı baǵasy tómendegen jaǵdaıǵa da arnalǵan stsenarıı qolymyzda. Ulttyq ekonomıka mınıstrligimen birlesip sáıkesinshe esep-qısap jasadyq. Munaı bareli 45, 40, tipti 30 dollar bolsa da stsenarııimiz bar», - dedi ol BAQ ókilderiniń saýalyna oraı.
Onyń dereginshe, eger ortasha jyldyq munaı baǵasy barreline 45 dollar deńgeıinde qalyptassa, onda elimizdiń memlekettik bıýdjeti shamamen 90 mlrd, al 40 dollar bolsa 180 mlrd teńgeden qaǵylady.
«Degenmen bul kórsetkish ázirshe esep-qısap túrinde ǵana. Jalpy, qarsy áreket etý sharalarymyz da bar. Máselen, ortasha jyldyq baǵa 45 dollar bolsa, onda biz bıýdjet sekvestrinsiz (bıýdjet shyǵysynyń bekitilgen shekti lımıtin zańnamada belgilengen tártippen belgili bir shekte úılesimdi túrde qysqartý) óte alamyz. Máselen, Úkimet rezervin paıdalanbaımyz. Sonymen qatar toqtata turýǵa bolatyn birqatar iri baǵdarlama da bar. Mundaı baǵdarlamalar tizimi qolymyzda bar jáne respýblıkalyq bıýdjettiń 44 paıyzyn quraıtyn bıýdjettik salaǵa, ásirese áleýmettik sektorǵa aýyrtpalyq salmastan júzege asyryla alady», - dedi Sultanov.