Munaı baǵasynyń tómendigi «QazMunaıGaz» ІRO-syn keıinge shegertip otyr
«Biz «QazMunaıGaz» ІRO-synyń merzimin shegerdik. Usynysymyzdy qoldaǵan Úkimetke alǵys aıtamyz. Jalpy «QazMunaıGazdy» ІRO-ǵa daıyndaý boıynsha aýqymdy jumys júrgizdik. Halyqaralyq sarapshylarmen aqyldasyp, Londonda, AQSh-ta ınvestorlarmen aldyn ala kezdesý ótkizdik. Áıtse de munaı men gazǵa ınvestıtsııa salatyn ınvestorlar dıvıdentterge basa mańyz beretinin bilemiz. ıAǵnı qazir munaı kompanııalaryna ınvestıtsııa salatyn ınvestorlar úshin basty trend – qysqa merzimdi baǵanyń maksımızatsııasy. ıAǵnı olar kompanııanyń óz aktsıonerlerine joǵarylatylǵan dıvıdentti berýin kútedi», - dedi Almasadam Satqalıev tikeleı efırde ótip jatqan baspasóz máslıhatynda.
Onyń aıtýynsha, qazir munaı baǵasynyń asa joǵary bolmaı turǵan kezeńinde ınvestorlar tarapynan da qyzyǵýshylyq az. Tıisinshe aktsııalardy satýdan aıtarlyqtaı qarajat túspeıdi.
«Osy logıkaǵa súıene otyryp, «QazMunaıGaz» kompanııasynyń ІRO-syn keıinge shegerý týraly sheshim qabyldadyq. Naryqqa taldaý jasaı otyryp, munaı baǵasyna mańyz beretinimiz anyq. ІRO-ǵa daıyndyq jiti júrgizilip, dıvıdenttik saıasatty jetildirýge qatysty tıisti túzetýler engiziledi», - dedi ol.
Eske sala ketsek, Almasadam Satqalıev buǵan deıin 2021 jyly jekeshelendiriletin iri aktıvterdiń ishinde tek «Qazposhta» pen «Samuryq energo» bar ekendigin aıtqan edi. Sondaı-aq 2022 jyly «Air Astana» men «Qazaq Air», sonymen birge «Samuryq-Qazynanyń» taý-ken kompanııasyn, 2023 jyly Qazaqstan temir jolyn jekeshelendiriletinin málim etken bolatyn. Sonymen qatar Almasadam Satqalıev «Samuryq-Qazyna» aktıvterin dál bıyl jekeshelendirýdiń aıtarlyqtaı qaýpi baryn aıtqan edi.