Munaı baǵasynyń tómendeýinen kadrlardyń aıtarlyqtaı qysqarýy oryn alǵan joq - Energetıka mınıstrligi

ASTANA. QazAqparat - Munaı baǵasynyń tómendeýine baılanysty salada kadrlardyń aıtarlyqtaı qysqarýy oryn alǵan joq. Bul týraly búgin Ortalyq kommýnıkatsııalar qyzmetindegi baspasóz máslıhatynda QR Energetıka birinshi vıtse-mınıstri Uzaqbaı Qarabalın málim etti.

«Bıylǵy aqpanda Energetıka mınıstrligi oblystyq ákimdiktermen jáne jer qoınaýyn paıdalanýshylarmen jumys oryndaryn saqtaý qalý, sondaı-aq áleýmettik damýdy qoldaý maqsatynda birlesken memorandýmdardy jasady. Mınıstrlik júrgizgen taldaýǵa súıensek, 2015 jylǵy І toqsanmen salystyrǵanda saladaǵy jumysshylar aıtarlyqtaı qysqarmaǵandyǵy (0,4 paıyzǵa) baıqaldy. ıAǵnı birinshi toqsandaǵy 117 625 adamnan, ekinshi toqsanda 117 127-ge deıin. Kadrlardyń qysqartylýy NCOC kompanııasynda qaıta qurylymdaý nátıjesinde oryn aldy», - dedi U. Qarabalın.

Onyń aıtýynsha, ınflıatsııalyq targetteý týraly qabyldanǵan sheshim saladaǵy ahýaldy aıtarlyqtaı jeńildetti. «Osyǵan deıin 50-ge jýyq kompanııa tıimsizdik jaǵdaıyna jaqyndaǵan bolatyn. Munaı baǵasynyń tómendeýine baılanysty týyndaǵan qıyndyqtarǵa qaramastan, búginde keıbir kompanııaar jalaqy tóleý men áleýmettik mindettemeleri boıynsha ózderin ońtaıly sezine bastady», - dedi mınıstrdiń orynbasary.

Sonymen qatar ol bıylǵy segiz aıda Qazaqstanda munaı óndirý kólemi 53,4 mln. tonnaǵa jetkendigin atap ótti. Bul kórsetkish jospardaǵy kólemniń 99,4 paıyzyn qurady.