Munaı baǵasynyń quldyraýyn boljaǵan treıder onyń 50 dollarǵa deıin ósetinin de aıtty

ASTANA. QazAqparat - Ótken jyly munaıdyń baǵasy barreline 25 dollarǵa deıin quldyraıtynyn boljaǵan munaı treıderi jáne Andurand Capital qorynyń negizin qalaýshy Per Andıýran taıaýdaǵy eki jylda onyń ósetinin de aıtty. Bul týraly treıder Blýmbergke suhbatynda málim etken.

«Biz munaıdyń tómen baǵalary qaıta joǵarylaýymen almasatyn álemde ómir súrip otyrmyz. Shyn mánisinde onyń baǵasy eń tómengi mejesine jetti dep sanaımyn», - dedi Andıýran.

Onyń pikirinshe, aǵymdaǵy jyly munaı baǵasynyń barreli 50 dollarǵa deıin, al 2017 jyly - barreline 70 dollarǵa deıin ósedi.

Andıýran bıylǵy jyly munaı baǵamynyń ósý sebebi OPEK-ke kirmeıtin elderden jetkizilimderdiń qysqarýy bolmaq, dep málimdedi. Ol sondaı-aq 2018 jyly munaı baǵamy barreline 100 dollarǵa deıin ósýi múmkin, degen boljam aıtty, dep jazady RIA Novostı.