Munaı baǵasyna qatysty boljamdar ártúrli - BAQ

BAKÝ. QazAqparat – Dúısenbi kúni WTI markaly munaı fıýchersi barreline $79 asty, al Brent munaıy $85,1 shamasynda saýdalanýda, dep habarlaıdy QazAqparat tilshisi Trading Economics portalyna silteme jasap.

Amerıkalyq munaı benchmarki ótken aptada 8% asa ósti, sebebi Qytaıdaǵy COVID-pen kúres sharalary jandanyp, ekonomıkalyq belsendilik pen mobıldiliktiń artatynyna úmit paıda boldy.

Degenmen sarapshylar bıyl munaıǵa degen suranys rekordtyq kórsetkishke jetedi degen boljam jasady. Suranystyń qalpyna kelýi múmkin ekenin meńzeıtin Qytaıdyń optımıstik málimetterinen bólek, 5 aqpanda kúshine enetin reseılik munaı ónimderiniń eksportyna qoıylǵan shekteýler usynylǵan baǵany qoldady. Degenmen ınvestorlar jahandyq retsessııadan qaýiptenip saqtyq tanytyp otyr. Sebebi AQSh-tyń iri bankteri bıyl ekonomıkalyq perspektıvanyń nasharlaýynan qorǵanys retinde rezervterin arttyryp jatyr. Investorlar seısenbi kúni shyǵatyn naryq perspektıvasy týraly OPEK esebin jáne onyń artynsha jarııalanatyn HEA esebin kútip otyr. Ótken aptada AQSh Energetıka mınıstrligi munaı naryǵyna qatysty jańa boljamyn usyndy. Boljamda Brent baǵasy 2023 jyly $9,3-ǵa ıaǵnm barreline $83,1 deıin tómendegen.

Avtor: Serikbol Qoshmaǵanbetov

Foto: www.reuters.com