Munaı baǵasy sońǵy úsh jyldaǵy eń joǵary deńgeıge kóterildi

ASTANA. QazAqparat - AQSh prezıdenti Donald Tramp AQSh-tyń Iranmen ıadrolyq kelisimnen shyǵatyny jónindegi málimdemesinen keıin munaı baǵasy sársenbide sońǵy jyldardaǵy eń joǵarǵy shegine jetti, dep habarlaıdy QazAqparat BusinessInsider silteme jasap.

WTI markili munaı 2,8% qymbattap, barreline 71,17 AQSh dollary belgilendi. Bul - 2014 jyldyń qarasha aıynan bergi eń joǵary kórsetkish.

Brent markaly munaıdyń baǵasy da sońǵy úsh jyldaǵy eń joǵary deńgeıge jetti, ol 2,8% ósip barreline 77,20 dollar boldy.

Tramp málimdemesinde AQSh Tegeranǵa qatysty «barynsha qatań ekonomıkalyq sanktsııalardy» qalpyna keltiretinin atap ótken. Bul júz  myńdaǵan barrel munaıdyń saýdasyna kedergi keltiredi.

Iran OPEK músheleriniń ishinde munaı óndirý kólemi jaǵynan úshinshi el. Ol álemdegi munaıdyń 5% jetkizedi. 2012 jyly AQSh Iranǵa qatysty ekonomıkalyq snaktsııalardy kúsheıtken soń álemdegi munaı baǵasy 15% ósip, eldegi munaı óndirý táýligine bir mıllıon barrelge qysqarǵan bolatyn.

Avtor: Almas Jeksenbekov