Munaı baǵasy qubylyp turǵanymen, polımerdiń baǵasy turaqty - mınıstrlik

NUR-SULTAN. QazAqparat – Munaıǵa otyn retindegi suranys báseńdese de, óńdeý shıkizaty retinde qundylyǵyn joǵaltpaıdy. Májiliste ótip jatqan salany damytý týraly otyrysta QR Enegrgetıka mınıstri Nurlan Noǵaev osyndaı pikir bildirdi, dep habarlaıdy QazAqparat tilshisi.

«Qazirgi tańda álemdegi munaı-hımııa qajettilikteri úshin kómirsýtek shıkizatyn tutyný úlesi shamamen 35%-dy quraıdy. Al 2050 jylǵa qaraı ol kórsetkish 50% deıin jetedi dep boljanýda. Bul rette, ol Qazaqstanda 0,2% -ǵa teń. Munaı baǵasynyń joǵary qubylmalylyǵyna qaramastan, polımer ónimderiniń baǵasy (polıetılen mysalynda) turaqty jáne bul trend bolashaqta da saqtalady», - dedi mınıstr.

Vedomstvo basshysy keleshekte munaı-gaz-hımııa salasy munaı men gazdy tutynýdyń draıveri bolady degen bolam aıtty.

«Munaı-gaz-hımııalyq ónimderdi qaıtalap óńdegen saıyn, bastapqy shıkizatpen salystyrǵanda sońǵy ónimniń quny 15 esege deıin aratady. Sarapshylardyń aıtýynsha álemdik energııa teńgerimindegi jańartylatyn energııa kózderi úlesiniń serpindi ósýin jáne kómirsýtekterge otyn retinde suranystyń boljamdy tómendeýin eskere otyryp, perspektıvada kómirsýtek shıkizaty negizinen munaı-gaz-hımııa ónimderin shyǵarý úshin paıdalanylatyn bolady», - dedi Nurlan Noǵaev.